Vel mannað af ljósmæðrum

Þann 1. júní 2004 tóku þrjár nýjar ljósmæður, þær Ásthildur Gestsdóttir, Brynja Pála Helgadóttir og Halldóra Karlsdóttir til starfa við stofnunina eftir námsleyfi.

Vinna nú fjórar ljósmæður í teymisvinnu við mæðravernd, fæðingarhjálp og ungbarnaeftirlit hér á Ísafirði auk þess sem þær sinna mæðravernd og ungbarnaeftirliti á Suðureyri og í Súðavík.

Við þessa fjölgun á ljósmæðrum urðu töluverðar breytingar á starfstilhögun þeirra og vinna þær nú bæði á heilsugæslustöð og á fæðingardeild en áður voru þetta alveg aðskilin störf.

Undanfarið hafa nokkrar konur komið af sunnanverðum Vestfjörðum á átt sín börn hér og er það gleðiefni.
Á myndinni má sjá Halldóru Karlsdóttur, Ásthildi Gestsdóttur, Margréti Ásdísi Bjarnardóttur og Brynju Pálu Helgadóttur. 

Höf.:ÞÓ