Glæsileg gjöf frá Kvenfélaginu Hvöt í Hnífsdal

Rétt í þessu var fæðingadeild Fjórðungssjúkrahússins að berast glæsileg og kærkomin gjöf.

Birtust meðlimir Kvenfélagsins Hvatar í Hnífsdal og afhentu Bilibed ljósarúm til meðferðar á gulu nýbura. Er þetta frábær gjöf sem kemur sér afskaplega vel enda nokkuð um að nýburar fái einhvern snert af gulu fyrstu dagana.

Vill Starfsfólk stofnunarinnar og sérstaklega fæðingadeildarinnar færa Kvenfélaginu innilegar þakkir en þess má geta að þetta er alls ekki í fyrsta skipti sem Kvenfélagið styrkir starfsemi sjúkrahússins.

Meðfylgjandi mynd var tekin við afhendinguna. Frá vinstri talið eru: Gyða Björg Jónsdóttir, Sigrún Jóna Sigurðardóttir, Anna Katrín Bjarnadóttir, Elín Jónsdóttir, Linda Steingrímsdóttir, Guðrún Oddný Kristjánsdóttir og Margrét Skúladóttir frá Kvenfélaginu auk Brynju Pálu Helgadóttur, Auðar Helgu Ólafsdóttur, Ásthildar Gestsdóttur og Halldóru Karlsdóttur frá bráða- og fæðingadeild Fjórðungssjúkrahússins.

Höf.:SÞG