Heilbrigðisstofnun jVestfjarða leitar nú að fólki til að skrá sig í bakvarðasveit Heilbrigðisþjónustu Vestfjarða. Alltaf getur eitthvað komið upp á. Þjónusta hefur nú þegar raskast nokkuð vegna viðbragða við Covid-19, en mögulegt er að hún raskist enn meira ef sjúklingar eða starfsfólk þurfa að fara í sóttkví, einangrun eða sýkjast af veirunni. 

Við leitum að fólki sem getur stokkið inn með skömmum fyrirvara í styttri eða lengri tíma og í hvaða starfshlutfalli sem er.

Starfsemin er á Patreksfirði, Þingeyri, Bolungarvík og Ísafirði. Störfin eru í aðhlynningu á hjúkrunarheimilum, aðstoð í eldhúsi, ræstingu og fleiru sem til fellur.

Sendu okkur línu á netfangið hvest@hvest.is með upplýsingum um nafn, menntun, reynslu, í hvaða póstnúmeri þú býrð og annað sem þú telur þörf á að komi fram.

Við minnum á að öll laus störf hjá okkur eru auglýst á Starfatorgi. Fyrir fólk með heilbrigðismenntun gildir einnig bakvarðasveit heilbrigðisþjónustu ( https://www.stjornarradid.is/…/Bakvardasveit-heilbrigdisth…/). Auk þess má benda á bakvarðasveit velferðarþjónustu (https://forms.office.com/Pages/ResponsePage.aspx…) sem hugsuð er fyrir velferðarþjónustu sveitarfélaga á landsvísu


Höf.:SLG