Starfseining: Heilsugæsla Norðursv., 400 Ísafjörður
Umsóknarfrestur: frá 07.02.2023 til 13.03.2023.
Starfshlutfall: 70-100%
Heilbrigðisstofnun Vestfjarða á Ísafirði óskar að ráða sjúkraliða í 70-100% starf á blandaða sjúkradeild. Um sumarafleysingar er að ræða frá 1. júní eða eftir samkomulagi.
Verkefni
Um er að ræða almenn störf sjúkraliða á blandaðri sjúkradeild. Deildin sinnir auk þess sængurkonum og nýburum utan dagvinnu ljósmóður, krabbameinslyfjagjafir og aðrar sérhæfðar lyfjagjafir auk þess að aðstoða við slysamóttöku á slysadeild utan dagvinnutíma.
Hér er gott tækifæri fyrir reynslumikinn sjúkraliða sem langar að breyta um umhverfi. Þetta er einnig kjörin staða fyrir þá sem vilja öðlast fjölbreytta reynslu. Á deildinni starfar öflugur hópur um 25 sjúkraliða og hjúkrunarfræðinga og er þar góður starfsandi sem einkennist af samheldni, vináttu, metnaði og gleði.
Hjá Heilbrigðisstofnun Vestfjarða starfa rúmlega 250 manns og veitir stofnunin almenna heilbrigðisþjónustu á þremur sviðum; hjúkrunarsviði, heilsugæslusviði og sjúkrasviði, með sjúkrahús á Ísafirði og Patreksfirði. Í teyminu, sem byggir á samstarfi ríkis og sveitarfélaga, er lögð rík áhersla á góða samvinnu, góðan starfsanda og að virðing sé borin fyrir samstarfsfólki og skjólstæðingum.
Hæfnikröfur
- Íslenskt sjúkraliðaleyfi
- Góð samskiptahæfni, jákvæðni og rík þjónustulund
- Samviskusemi og sjálfstæð vinnubrögð
- Stundvísi
- Metnaður og ábyrgð í starfi
- Reynsla af sambærilegu starfi er kostur
- Íslenskukunnátta
Laun
Laun samkvæmt gildandi kjarasamningi sem fjármála- og efnahagsráðherra og Sjúkraliðafélag Íslands hafa gert.
Tengiliður/ir
- Rannveig Björnsdóttir (rannveig@hvest.is | 450 4500)