Starfseining: Heilsugæsla Suðursv., 450 Patreksfjörður
Umsóknarfrestur: frá 05.05.2023 til 15.05.2023.
Starfshlutfall: 100%
Við leitum að metnaðarfullum, jákvæðum og framsýnum leiðtoga í starf rekstrarstjóra á Heilbrigðisstofnun Vestfjarða á Patreksfirði. Rekstrarstjóri heyrir undir hjúkrunarstjóra á Patreksfirði, situr í rekstrarstjórn og tekur þátt í formlegu starfi deildarstjóra á Heilbrigðisstofnun Vestfjarða. Rekstrarstjóri ber mönnunar- og rekstrarlega ábyrgð á daglegum verkefnum stoðþjónustu auk þess að leiða áætlunargerð og stefnumótun deildarinnar. Undir rekstrardeild heyrir ræsting, þvottahús, eldhús, móttökuritarar og rekstur húsnæðis.
Heilbrigðisstofnun Vestfjarða er metnaðarfullur vinnustaður þar sem um 250 manns starfa á fjórum megin starfsstöðvum. Þar af eru rúmlega 40 starfsmenn á Patreksfirði á heilsugæslu, legudeild, endurhæfingu og rekstrardeild. Á stofnuninni er unnið markvisst að góðum starfsanda og lögð er áhersla á traust og jákvæðni í samskiptum. Unnið er að undirbúningi á viðbyggingu sem hýsa mun nýtt hjúkrunarheimili í stað deildarinnar sem nú er.
Boðið er upp á góða aðlögun í upphafi starfs og aðstoð við öflun húsnæðis.
Verkefni
- Sinnir og útdeilir verkefnum sem heyra undir rekstrardeild
- Hefur mannaforráð með starfsfólki rekstrardeildar
- Leiðir áætlanagerð og stefnumótun fyrir rekstrardeild í samstarfi viðhjúkrunarstjóra
- Samræmir vinnulag og þjónustu milli starfsstöðva og stuðlar að samnýtingu og hagkvæmni í rekstri, m.a. með nýtingu mannafla og í innkaupum
- Innkaup og samskipti við birgja og flutningsaðila
- Samskipti við Framkvæmdasýsluna-Ríkiseignir og ýmis verkefni tengd fasteigum svæðisins.
- Getur gengið í störf annarra starfsmanna deildarinnar
- Önnur tilfallandi verkefni
Hæfnikröfur
- Reynsla sem nýtist í starfi
- Nám og/eða reynsla af mannaforráðum eða stjórnun æskileg
- Áhugi á umbótaverkefnum og teymisvinnu
- Góðir leiðtoga- og samskiptahæfileikar
- Áreiðanleiki, frumkvæði og metnaður til að ná árangri í starfi
- Áhugi á þróun og uppbyggingu Heilbrigðisstofnunar Vestfjarða
Laun
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Tengiliður/ir
- Gerður Rán Freysdóttir (gerdur@hvest.is | 450 2000)