Starfseining: Heilsugæsla Norðursv., 400 Ísafjörður
Umsóknarfrestur: frá 07.02.2023 til 13.03.2023.
Starfshlutfall: 100%
Heilbrigðisstofnun Vestfjarða óskar eftir að ráða öflugan einstakling í starf málastjóra/meðferðaraðila í geðheilsuteymi stofnunarinnar. Um er að ræða tímabundið starf til eins árs til að leysa af í fæðingarorlofi. Málastjóri starfar í nánu samstarfi við aðrar fagstéttir í heilsugæslu og geðheilbrigðisþjónustu á svæðinu. Starfið heyrir undir yfirlæknir heilsugæslu. Í geðheilsuteymi er lögð áhersla á að veita persónubundinn stuðning og handleiðslu.
Góður starfsandi er í teyminu og gott vinnuumhverfi. Unnið er eftir batahugmyndafræði þar sem einstaklingsmiðuð þjónusta ýtir undir styrkleika og bjargráð notenda.
Unnið er að því að geðheilbrigðisþjónusta verði í boði í öllu umdæmi Heilbrigðisstofnunar Vestfjarða, meðal annars með fjarheilbrigðisþjónustu. Ef þú hefur áhuga á uppbyggingu á faglegri geðheilbrigðisþjónustu, þá er þetta spennandi tækifæri.
Verkefni
- Veita ráðgjöf, stuðning og fræðslu til notenda og aðstandenda
- Sinna málastjórn notenda geðheilsuteymis þ.e. hafa umsjón og yfirlit yfir meðferð og úrræði ákveðins notendahóps
- Starfa í þverfaglegu teymi og stuðla að árangursríku teymisstarfi
- Samþætta meðferð og leita leiða til að bæta líðan notenda
- Skipulagning og þátttaka í fjölskyldufundum
- Önnur verkefni tengd geðheilbrigðisþjónustu
Hæfnikröfur
- Reynsla af ráðgjöf eða meðferðarvinnu í geðheilbrigðisþjónustu
- Menntun innan félags- eða heilbrigðisvísinda
- Góð færni í mannlegum samskiptum
- Sjálfstæð og skipulögð vinnubrögð
- Jákvætt viðhorf og drifkraftur
- Hæfni og áhugi á að vinna í teymi
- Góð íslenskukunnátta og góð almenn tölvukunnátta skilyrði
Laun
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Tengiliður/ir
- Sigrún Þóra Sveinsdóttir (sigrun.sveinsdottir@hvest.is | 661 5411)
- Súsanna Björg Ástvaldsdóttir (susannaba@hvest.is | 450 4500)