Skurðdeild
Skurðstofur - Svæfing
Skurðdeild er staðsett á 1. hæð vesturálmu (gengið til hægri inn af anddyri). Á deildinni eru 2 skurðstofur, uppvöknun, sótthreinsun og búningsherbergi starfsmanna og ferlisjúklinga. Fastir starfsmenn eru 5, auk ræstitæknis. Auk þess nýta gestasérfræðingar í háls-, nef- og eyrnalækningum, bæklunarlækningum og kvensjúkdómum sér skurðdeildina til aðgerða.Árið 2003 voru gerðar um 428 skurðaðgerðir og 177 speglanir. Svæfingar og hryggdeyfingar voru 256 og aðrar deyfingar 172.
Á deildinni er vaktþjónusta allan sólarhringinn.
Helstu aðgerðir
- Kviðsjáraðgerðir, s.s. gallblöðrutaka og greiningaraðgerðir.
- Almennar skurðlækningar, s.s. kviðslitsaðgerðir, æðahnútaaðgerðir, endaþarmsaðgerðir og aðgerðir vegna húðmeina.
- Þvagfæraaðgerðir, s.s. blöðruspeglanir og alm. aðgerðir á þvagfærum.
- Bæklunarskurðaðgerðir, s.s. brotaaðgerðir og neglingar, táskekkjuaðgerðir, liðspeglanir og axlaraðgerðir.
- Slysaaðgerðir.
- Háls- nef- og eyrnaaðgerðir, s.s. háls- og nefkirtlatökur, rör í eyru og ýmis konar nefaðgerðir.
- Kvensjúkdómaaðgerðir, s.s. ýmsar stærri aðgerðir tengdar kvensjúkdómum, eins og legnám, brottnám eggjastokka og eggjaleiðara, upphengingar á þvagblöðru, legi og endaþarmi, legréttingar ofl.
- Ýmsar smærri aðgerðir vegna kvensjúkdóma, s.s. kviðarholsspeglanir, blöðruspeglanir, útskaf, ófrjósemisaðgerðir, fóstureyðingar ofl.
- Keisaraskurðir, bráðakeisarar og bráðaaðgerðir eftir fæðinar.
