A A A

Sjúkraţjálfari

29.04 2020 | Kristjana Milla Snorradóttir

Heilbrigðisstofnun Vestfjarða er metnaðarfullur vinnustaður þar sem um 250 manns starfa á fjórum megin starfsstöðvum. Þar af eru rúmlega 40 starfsmenn á Patreksfirði á heilsugæslu, legudeild, endurhæfingu og rekstrardeild. Á stofnuninni er unnið markvisst að góðum starfsanda og lögð er áhersla á traust og jákvæðni í samskiptum, sem meðal annars sást í að stofnunin var hástökkvari stórra stofnana í könnun um stofnun ársins árið 2019.

 

Við óskum eftir að ráða sjálfstæðan sjúkraþjálfara til starfa á Patreksfirði. Á starfsstöðinni er nú einn sjúkraþjálfari og eru verkefnin fjölbreytt. Unnið er með breiðum skjólstæðingahópi og er meðferð veitt á bæði göngu- og legudeild sjúkrahússins. Mörg tækifæri eru á göngudeild til aukinnar heilsueflingar svo sem með námskeiðum og fræðslu fyrir einstaklinga og hópa.  Unnið er að innleiðingu fjarheilbrigðisþjónustu og kemur til greina að sjúkraþjálfari starfi að hluta til í fjarvinnu.

 

Hæfnikröfur

  • Starfsleyfi sem sjúkraþjálfari frá Embætti landlæknis
  • Sjálfstæði, sveigjanleiki og frumkvæði í starfi
  • Góð hæfni í mannlegum samskiptum
  • Faglegur metnaður

 

Launakjör eru samkvæmt gildandi kjarasamningi sem fjármála- og efnahagsráðherra og Félag sjúkraþjálfara hafa gert.

 

Æskilegt er að viðkomandi geti hafið störf sem fyrst eða eftir nánara samkomulagi.

 

Umsóknarfrestur er til og með 11. maí 2020.

Með umsókn skal fylgja ferilskrá ásamt kynningarbréfi þar sem gert er grein fyrir hæfni og áhuga á starfinu ásamt afriti af prófskírteinum og starfsleyfi.

Öllum umsóknum verður svarað þegar ákvörðun um ráðningu hefur verið tekin. Umsókn getur gilt í allt að 6 mánuði.

 

Nánari upplýsingar veita

Svava Magnea Matthíasdóttir hjúkrunarstjóri á Patreksfirði í síma 450 2000 og á netfanginu svavam@hvest.is

Sigurveig Gunnarsdóttir deildarstjóri endurhæfingu í síma 450 4500 og á netfanginu veiga@hvest.is

 

Hér er hægt að sækja um starfið

Vefumsjón