A A A

Sálfrćđingur

28.04 2020 | Kristjana Milla Snorradóttir

Heilbrigðisstofnun Vestfjarða auglýsir til umsóknar stöðu sálfræðings á heilsugæslu. Starfinu er skipt á milli geðheilsuteymis stofnunarinnar og einnig í þjónustu við börn. Aðalstarfsstöðin er á Ísafirði, en gert er ráð fyrir að sálfræðingur veiti þjónustu 2 til 3 daga í mánuði á Patreksfirði. Unnið er að því að geðheilbrigðisþjónusta verði í boði í öllu umdæmi stofnunarinnar, meðal annars með fjarheilbrigðisþjónustu og kemur til greina að sálfræðingur vinni að hluta til í fjarvinnu. Næsti yfirmaður er yfirlæknir heilsugæslu.

 

Helstu viðfangsefni og ábyrgð

  • Þjónusta við skjólstæðinga á Ísafirði, Patreksfirði og í gegnum fjarheilbrigðisþjónustu.
  • Samstarf við aðrar fagstéttir heilsugæslunnar og geðheilbrigðisþjónustu á svæðinu.
  • Samstarf við skóla og félagsþjónustu á svæðinu, sem og við Barna- og unglingageðdeild Landspítalans.
  • Þátttaka í frekari innleiðingu á fjarheilbrigðisþjónustu.
  • Þátttaka í uppbyggingu geðheilsuteymis.
  • Í boði verður mánaðarleg handleiðsla.

Menntunar- og hæfniskröfur

  • Klínískt nám í sálfræði og starfsleyfi frá Embætti landlæknis
  • Þekking og reynsla á gagnreyndum aðferðum
  • Reynsla af greiningu og meðferð barna og fullorðinna með geðrænan vanda
  • Framúrskarandi samskiptahæfni
  • Jákvæðni og frumkvæði í starfi
  • Áhugi, geta og faglegur metnaður til að starfa bæði sjálfstætt og í teymi
  • Góð almenn tölvukunnáttu
  • Íslenskukunnátta er skilyrði

 

Laun samkvæmt gildandi kjarasamningi sem fjármála- og efnahagsráðherra og Sálfræðingafélag Íslands hafa gert.

 

Um er að ræða framtíðarstarf í 75-100% starfshlutfalli. 

 

Æskilegt er að viðkomandi geti hafið störf 1. ágúst 2020 eða eftir samkomulagi.

 

Umsóknarfrestur er til og með 18. maí 2020.  

 

Umsókn skal fylgja náms- og starfsferilskrá ásamt staðfestu afriti af opinberu starfsleyfi. Öllum umsóknum verður svarað þegar tekin hefur verið ákvörðun um ráðningu.

 

Nánari upplýsingar um starfið veitir Súsanna Björg Ástvaldsdóttir yfirlæknir heilsugæslu, á netfanginu susannaba@hvest.is  eða í síma 450 4500. 

 

Hér er hægt að sækja um starfið.

 

Umsókn getur gilt í 6 mánuði.

Vefumsjón