A A A

Launafulltr˙i ß ═safir­i e­a Patreksfir­i

8.11á2021 | Hanna ١ra Hauksdˇttir

 

 

Heilbrigðisstofnun Vestfjarða auglýsir lausa stöðu launafulltrúa við stofnunina. Um er að ræða starf sérfræðings til að sinna launavinnslu en starfsstöð launafulltrúa getur verið á Ísafirði eða á Patreksfirði. Starfsmaðurinn verður hluti af öflugu teymi sem starfar í nánu samstarfi við aðrar deildir og leitum við að einstakling sem er jákvæður, skipulagður í vinnubrögðum, sýnir frumkvæði og hefur góða hæfni í mannlegum samskiptum. 

 

Helstu verkefni og ábyrgð

 

Launavinnsla og frágangur launa
Launaröðun og launagreiðslur skv. kjara- og stofnanasamningum
Upplýsingagjöf varðandi launavinnslu og kjaratengd mál
Umsjón og utanumhald í tengslum við starfsmannakerfi og upplýsingar
Greining og úrvinnsla gagna

 

Hæfniskröfur

 

Háskólamenntun eða önnur menntun sem nýtist í starfi
Reynsla og góð þekking á launavinnslu er skilyrði
Þekking og reynsla af launakerfi Orra
Þekking á kjarasamningum ríkisins og vinnu við jafnlaunakerfi
Góð almenn tölvufærni og góð þekking á Excel
Góð samskiptahæfni og þjónustulund
Sjálfstæði og nákvæmni í vinnubrögðum

 

Frekari upplýsingar um starfið

 

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Með umsókn skal fylgja ítarleg náms- og starfsferilskrá ásamt kynningarbréfi þar sem gerð er grein fyrir hæfni og áhuga á starfinu ásamt afriti af prófskírteinum. Viðtöl verða tekin við umsækjendur og byggist ákvörðun um ráðningu í starfið á þeim og innsendum gögnum. 

Tekið er mið af jafnréttisstefnu stofnunarinnar við ráðningu. 

Öllum umsóknum verður svarað þegar tekin hefur verið ákvörðun um ráðningu. 

Heilbrigðisstofnun Vestfjarða er metnaðarfullur vinnustaður þar sem um 250 manns starfa á sjúkra-, heilsugæslu- og hjúkrunarsviði. Á stofnuninni er unnið markvisst að góðum starfsanda og lögð er áhersla á traust og jákvæðni í samskiptum.

 

Starfshlutfall er 100%

Umsóknarfrestur er til og með 22.11.2021

 

Nánari upplýsingar veitir

Hrannar Örn Hrannarsson - hrannar@hvest.is - 4504500
Hanna Þóra Hauksdóttir - hanna@hvest.is - 450 4500

 

Smelltu hér til að sækja um starfið

Vefumsjˇn