A A A

Hj˙krunarfrŠ­ingur ß Patreksfir­i

28.09á2021 | Hanna ١ra Hauksdˇttir

 

Við óskum eftir að ráða hjúkrunarfræðing í 70 til 100% starf á Heilbrigðisstofnun Vestfjarða á Patreksfirði. 

 

Heilbrigðisstofnun Vestfjarða er metnaðarfullur vinnustaður þar sem um 250 manns starfa á fjórum megin starfsstöðvum. Þar af eru rúmlega 40 starfsmenn á Patreksfirði á heilsugæslu, legudeild, endurhæfingu og rekstrardeild. Á stofnuninni er unnið markvisst að góðum starfsanda og lögð er áhersla á traust og jákvæðni í samskiptum.

 

Helstu verkefni og ábyrgð

 

Störf hjúkrunarfræðinga á Patreksfirði eru fjölbreytt og vinna þeir með breiðum skjólstæðingahópi. Á stöðinni eru fjórir hjúkrunarfræðingar sem vinna saman í öflugu teymi á heilsugæslu og legudeild. Starfið er kjörið fyrir nýútskrifaða hjúkrunarfræðinga sem viljast öðlast fjölbreytta reynslu í alhliða hjúkrun og hentar jafnframt vel reynslumeiri hjúkrunarfræðingum sem vilja vinna sjálfstætt í fjölbreyttum verkefnum.

 

Hæfniskröfur

 

Fullgilt hjúkrunarpróf og íslenskt starfsleyfi
Góð hæfni í mannlegum samskiptum
Sveigjanleiki og sjálfstæði í starfi
Faglegur metnaður
Ökuréttindi eru nauðsynleg

 

Frekari upplýsingar um starfið

 

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Boðið er upp á góða aðlögun í upphafi starfs og aðstoð við öflun húsnæðis.

 

Patreksfjörður er mjög fjölskylduvænn staður, þar eru leikskóli, grunnskóli, tónlistarskóli og framhaldsskóli ásamt öflugu íþróttastarfi. Börn hafa mikið frelsi og tækifærin til útivistar eru allt í kring.

Margvísleg starfsemi er á svæðinu og næg atvinnutækifæri fyrir maka.

 

Umsókn skal fylgja starfsferilskrá ásamt kynningarbréfi þar sem gert er grein fyrir hæfni og áhuga á starfinu. Öllum umsóknum verður svarað þegar ákvörðun um ráðningu hefur verið tekin. Umsókn getur gilt í allt að 6 mánuði.

 

Starfshlutfall er 70-100%

Umsóknarfrestur er til og með 11.10.2021

 

Nánari upplýsingar veitir

Gerður Rán Freysdóttir - gerdur@hvest.is - 450 4500

 

Smelltu hér til að sækja um starfið

Vefumsjˇn