A A A

Hj˙krunarfrŠ­ingur ß Patreksfir­i

8.11á2019 | Kristjana Milla Snorradˇttir

Heilbrigðisstofnun Vestfjarða er metnaðarfullur vinnustaður þar sem um 250 manns starfa á fjórum megin starfsstöðvum. Þar af eru rúmlega 40 starfsmenn á Patreksfirði á heilsugæslu, legudeild, endurhæfingu og rekstrardeild. Á stofnuninni er unnið markvisst að góðum starfsanda og lögð er áhersla á traust og jákvæðni í samskiptum, sem meðal annars sást í að stofnunin var hástökkvari stórra stofnana í könnun um stofnun ársins árið 2019.

 

Við óskum eftir að ráða sjálfstæðan hjúkrunarfræðing í 70 til 100% starf á Heilbrigðisstofnun Vestfjarða á Patreksfirði. Störf hjúkrunarfræðinga á Patreksfirði eru fjölbreytt og vinna þeir með breiðum skjólstæðingahópi. Á stöðinni eru fjórir hjúkrunarfræðingar sem vinna saman í öflugu teymi á heilsugæslu og legudeild.

 

Starfið hentar reynslumiklum hjúkrunarfræðingum og er einnig kjörið fyrir nýútskrifaða sem viljast öðlast fjölbreytta reynslu í alhliða hjúkrun.

 

Hæfnikröfur

  • Fullgilt hjúkrunarpróf og íslenskt starfsleyfi
  • Góð hæfni í mannlegum samskiptum
  • Sveigjanleiki og sjálfstæði í starfi
  • Faglegur metnaður
  • Ökuréttindi eru nauðsynleg

 

Launakjör eru samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert. Möguleiki er á að stofnunin aðstoði við öflun íbúðarhúsnæðis.

 

Æskilegt er að störf hefjist 1. janúar 2020 eða eftir nánar samkomulagi.

 

Umsóknarfrestur er til og með 2. desember 2019. Umsókn skal fylgja starfsferilskrá ásamt kynningarbréfi þar sem gert er grein fyrir hæfni og áhuga á starfinu.

 

Umsóknum er skilað rafrænt á vefsíðu Heilbrigðisstofnunar Vestfjarða.

 

Nánari upplýsingar um starfið veitir Svava Magnea Matthíasdóttir, hjúkrunarstjóri á Patreksfirði í síma 450 2000 og á netfanginu svavam@hvest.is 

 

Öllum umsóknum verður svarað þegar ákvörðun um ráðningu hefur verið tekin. Umsókn getur gilt í allt að 6 mánuði.

 

Hér er hægt að sækja um starfið.

 

Vefumsjˇn