A A A

Hj˙krunarfrŠ­ingar ß brß­a- og legudeild, ═safir­i

12.03á2020 | Kristjana Milla Snorradˇttir

Heilbrigðisstofnun Vestfjarða á Ísafirði óskar að ráða hjúkrunarfræðinga í 70-100% starf frá 1. maí 2020, eða eftir nánara samkomulagi.

 

Um er að ræða almenn störf hjúkrunarfræðings á blandaðri akút legudeild. Deildin sinnir auk þess sængurkonum og nýburum utan dagvinnu ljósmóður, annast göngudeild fyrir blóðskilun, krabbameinslyfjagjafir og aðrar sérhæfðar lyfjagjafir auk þess að aðstoða við slysamóttöku á slysadeild utan dagvinnutíma.

 

Hér er gott tækifæri fyrir reynslumikinn hjúkrunarfræðing sem langar að breyta um umhverfi. Þetta er einnig kjörin staða fyrir þá sem vilja öðlast fjölbreytta reynslu í alhliða hjúkrun. Á deildinni starfar öflugur hópur um 25 hjúkrunarfræðinga og sjúkraliða og er þar góður starfsandi sem einkennist af samheldni, vináttu, metnaði og gleði.

 

Hæfnikröfur

  • Íslenskt hjúkrunarleyfi
  • Frumkvæði og sjálfstæði í starfi
  • Jákvæðni og góð hæfni í mannlegum samskiptum

 

Frekari upplýsingar um starfið

Laun eru skv. gildandi kjarasamningum fjármálaráðherra og Félags íslenskra hjúkrunarfræðinga  og stofnanasamningi.

 

Umsóknarfrestur er til og með 1. apríl 2020.

 

Umsókn skal fylgja náms- og starfsferilskrá ásamt kynningarbréfi. Jafnframt skal leggja fram staðfestar upplýsingar um menntun og staðfest afrit af opinberu starfsleyfi. 

 

Umsóknum skal skilað rafrænt á vef Heilbrigðisstofnunar Vestfjarða. Öllum umsóknum verður svarað þegar ráðning hefur verið ákveðin. Umsókn getur gilt í allt að 6 mánuði.

 

Möguleiki er á að stofnunin aðstoði við öflun íbúðarhúsnæðis og flutning til Ísafjarðar.

 

Nánari upplýsingar veitir Þórunn Pálsdóttir deildarstjóri í síma 450 4500 og á netfanginu thorunn@hvest.is.  

 

Smellið hér til að sækja um starf

 

 

Vefumsjˇn