A A A

Deildarstjóri hjúkrunar

22.10 2020 | Hanna Ţóra Hauksdóttir

Heilbrigðisstofnun Vestfjarða óskar að ráða kraftmikinn leiðtoga á hjúkrunarheimilin Eyri á Ísafirði, Berg í Bolungarvík og Tjörn á Þingeyri. Hjúkrunardeildarstjóri ber mönnunarlega, rekstrarlega og faglega ábyrgð á deildunum í nánu samstarfi við aðstoðardeildarstjóra hverrar deildar. Á deildunum þremur eru 46 íbúar og einkennist starfsemin af góðum starfsanda, umhyggju og hlýju.


Heilbrigðisstofnun Vestfjarða er metnaðarfullur vinnustaður þar sem um 250 manns starfa á sjúkra-, heilsugæslu- og hjúkrunarsviði. Á stofnuninni er unnið markvisst að góðum starfsanda og lögð er áhersla á traust og jákvæðni í samskiptum, sem meðal annars sást í að stofnunin var hástökkvari stórra stofnana í könnun um stofnun ársins árið 2019.

 

Helstu verkefni og ábyrgð

Stjórn á skipulagi og framkvæmd hjúkrunar
Stjórn starfsmannahalds, mannaráðninga og daglegs rekstrar
Ábyrgð á gerð vaktaskráa og frágang á vinnuskýrslum til launadeildar
Samræming á mönnun, vinnulagi og þjónustu milli hjúkrunarheimila
Náið samstarf og útdeiling verkefna til aðstoðardeildarstjóra

 

Hæfnikröfur

Íslenskt hjúkrunarleyfi
Framhalds- eða sérmenntun sem nýtist í starfi er æskileg
Stjórnunarreynsla æskileg
Sjálfstæði í starfi
Jákvæðni og góð hæfni í mannlegum samskiptum

 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Með umsókn skal fylgja ítarleg náms- og starfsferilskrá ásamt fylgibréfi þar sem gert er grein fyrir hæfni og áhuga á starfinu ásamt afriti af prófskírteinum og starfsleyfi. Leggja skal fram staðfestar upplýsingar um menntun, fyrri störf og reynslu.
Viðtöl verða höfð við umsækjendur og byggist ákvörðun um ráðningu í starfið á þeim og innsendum gögnum.

Tekið er mið af jafnréttisstefnu stofnunarinnar við ráðningu.

Öllum umsóknum verður svarað þegar tekin hefur verið ákvörðun um ráðningu.

Starfshlutfall er 100%
Umsóknarfrestur er til og með 09.11.2020

 

Nánari upplýsingar veitir

Hildur Elísabet Pétursdóttir - hildurep@hvest.is - 695-2222

 

Hjúkrunardeild Ísafjörður Eyri, Berg, Tjörn
Torfnesi
400 Ísafjörður


Sækja um starf

 

Vefumsjón