A A A

A­sto­arma­ur sj˙kra■jßlfara ß ═safir­i

5.08á2021 | Hanna ١ra Hauksdˇttir

Við óskum eftir að ráða aðstoðarmann sjúkraþjálfara á endurhæfingardeild á Ísafirði.

 

Hér gefst kjörið tækifæri til að vinna með skemmtilegu fólki og verða hluti af liðsheild. Starfið er fjölbreytt og er í nýrri starfsaðstöðu. 

 

Heilbrigðisstofnun Vestfjarða er metnaðarfullur vinnustaður þar sem um 250 manns starfa á fjórum megin starfsstöðvum. Á stofnuninni er unnið markvisst að góðum starfsanda og lögð er áhersla á traust og jákvæðni í samskiptum, sem meðal annars sást í að stofnunin var hástökkvari stórra stofnana í könnun um stofnun ársins árið 2019. 

 

Ísafjarðarbær er paradís útivistarfólks og skiptir þá litlu í hvaða byggðarkjarna eða sveit fólk kemur sér fyrir. Óvíða ef nokkurs staðar er jafn stutt að fara úr iðandi mannlífi yfir í ósnortna náttúru og möguleikar til útivistar eru óteljandi, hvort sem er að sumri eða vetri.

 

Helstu verkefni og ábyrgð

 

  • Að sjá um hreyfingu og þjálfun íbúa hjúkrunarheimila undir leiðsögn sjúkraþjálfara 
  • Aðstoðarmaður sjúkraþjálfara sér um að flytja skjólstæðinga í og úr þjálfun 
  • Veita einstaklingum og hópum aðstoð í tækjasal ásamt því að gefa heita bakstra
  • Sinna móttöku; aðstoða við bókanir og taka við greiðslum

 

Hæfniskröfur

 

  • Hæfni í mannlegum samskiptum og jákvætt viðmót
  • Reynsla af því að vinna með fólki er æskileg
  • Félagsliðanám eða sambærilegt er kostur

 

Frekari upplýsingar um starfið

 

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Með umsókn skal fylgja ítarleg náms- og starfsferilskrá ásamt fylgibréfi þar sem gert er grein fyrir hæfni og áhuga á starfinu.

Leggja skal fram staðfestar upplýsingar um menntun, fyrri störf og reynslu. 

Viðtöl verða tekin við umsækjendur og byggist ákvörðun um ráðningu í starfið á þeim og innsendum gögnum. Tekið er mið af jafnréttisstefnu stofnunarinnar við ráðningu. 

 

Öllum umsóknum verður svarað þegar ákvörðun um ráðningu hefur verið tekin. Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

 

Starfshlutfall er 100%

Umsóknarfrestur er til og með 23.08.2021

 

Nánari upplýsingar veitir

 

Sigríður Lára Gunnlaugsdóttir - sigridur.gunnlaugsdottir@hvest.is - 450 4500
- -

Sækja um starf

Vefumsjˇn