A A A

Ađstođardeildarstjóri hjúkrunar

23.12 2019 | Kristjana Milla Snorradóttir

Heilbrigðisstofnun Vestfjarða óskar að ráða kraftmikinn leiðtoga á hjúkrunarheimilið Berg í Bolungarvík. Aðstoðardeildarstjóri ber ábyrgð á mönnun, stjórnun og skipulagningu á daglegri starfsemi deildarinnar, í samvinnu við deildarstjóra. Á Bergi eru 10 heimilismenn og einkennist starfsemin af góðum starfsanda, umhyggju og hlýju.

 

Heilbrigðisstofnun Vestfjarða er metnaðarfullur vinnustaður þar sem um 250 manns starfa á sjúkra-, heilsugæslu- og hjúkrunarsviði. Á stofnuninni er unnið markvisst að góðum starfsanda og lögð er áhersla á traust og jákvæðni í samskiptum, sem meðal annars sást í að stofnunin var hástökkvari stórra stofnana í könnun um stofnun ársins árið 2019.

 

Helstu verkefni

  • Vinnur í nánu samstarfi við deildarstjóra og sinnir afleysingu á Bergi í fjarveru hans
  • Sinnir almennum hjúkrunarstörfum og ber ábyrgð á þeim
  • Skipuleggur, í samvinnu við deildarstjóra, vinnuframlag og mönnun deildarinnar í samræmi við hugmyndafræði, markmið og stefnu sem og rekstrar og fjárhagsramma
  • Skipuleggur vinnuskýrslur og vinnustund í samvinnu við deildarstjóra
  • Ber ábyrgð á gerð RAI mats á heimilisfólki, fylgist með niðurstöðum gæðastaðla og kemur með tillögur að úrbótum í samvinnu við deildarstjóra

 

Hæfniskröfur

  • Íslenskt hjúkrunarleyfi
  • Framhalds- eða sérmenntun sem nýtist í starfi er kostur
  • Sjálfstæði í starfi
  • Jákvæðni og góð hæfni í mannlegum samskiptum

 

Frekari upplýsingar um starfið

Launakjör eru samkvæmt gildandi kjarasamningi fjármála- og efnahagsráðherra og Félags íslenskra hjúkrunarfræðinga og stofnanasamningi hjúkrunarfræðinga.

 

Umsóknarfrestur er til og með 10. janúar 2020 og æskilegt er að nýr aðstoðardeildarstjóri geti hafið störf sem fyrst.

 

Starfshlutfall er 70-100%.

 

Umsóknum er skilað rafrænt á vefsíðu Heilbrigðisstofnunar Vestfjarða. Með umsókn skal fylgja ferilskrá ásamt fylgibréfi þar sem gert er grein fyrir hæfni og áhuga á starfinu ásamt afriti af prófskírteinum og starfsleyfi.

 

Öllum umsóknum verður svarað þegar tekin hefur verið ákvörðun um ráðningu. Umsókn getur gilt í allt að 6 mánuði.

 

Nánari upplýsingar veita

Hildur Elísabet Pétursdóttir, framkvæmdastjóri hjúkrunar í síma 695 2222 og á netfanginu hildurep@hvest.is 

Fjóla Sigríður Bjarnadóttir, aðstoðardeildarstjóri í síma 895 7018 og á netfanginu fjola@hvest.is

 

Hér er hægt að sækja um starfið

Vefumsjón