Markmið heimahjúkrunar

Að gera einstaklingi kleift að dveljast heima við eðlilegar aðstæður eins lengi og það er unnt miðað við heilsufar og félagslegar aðstæður, í náinni samvinnu við einstaklinginn sjálfan og aðstandendur.

Hverjir fá heimahjúkrun?

Þeir sem búa innan lögsagnarumdæmis Ísafjarðarbæjar og þurfa á henni að halda að mati hjúkrunarfræðings heimahjúkrunar eða læknis Heilbrigðisstofnunar Ísafjarðarbæjar.

Hvernig fæ ég heimahjúkrun?

Með skriflegri beiðni frá lækni til heimahjúkrunar.

Hvað felst í heimahjúkrun?

Heimahjúkrun er byggð á vitjunum. Hjúkrunarfræðingur heimahjúkrunar kemur í fyrstu vitjun og metur hjúkrunarþörfina. Í framhaldi af því sér hjúkrunarfræðingur og sjúkraliðar heimahjúkrunar um umönnun. Umönnun felur í sér:

• Almenna aðhlynningu
• Persónulegt hreinlæti
• Aðstoð við böðun
• Lyfjagjafir
• Lyfjatiltekt
• Sáraskiptingar
• Aðra hjúkrunaraðstoð
• Andlegan stuðning
• Ráðgjöf og stuðning

Stefnt er að því að gera einstakling eins sjálfbjarga og óháðan og unnt er, miðað við heilsu og líkamsþrek. Hjálpin á að vera hjálp til sjálfsbjargar.

Hvað felst ekki í heimahjúkrun?

• Að koma á föstum tíma í vitjun
• Að koma í vitjanir fyrirvaralaust
• Að vera hjá eða vaka yfir sjúklingi

Hjálpartæki

Ýmis hjálpartæki standa til boða. Þau létta þeim lífið sem hjúkrunina fá og létta þeim störfin sem hjúkrunina veita. Tryggingarstofun ríkisins tekur þátt í greiðslu á hjálpartækjum ef beiðni er undirskrifuð af lækni.

Gott að vita

• Heimahjúkrun er einstaklingi að kostnaðarlausu.
• Heimahjúkrun getur ýmist verið tímabundin eða til lengri tíma.
• Fari einstaklingur að heiman eða aðrara breytingar verða á högum hans sem nauðsynlegt er fyrir heimahjúkrun að vita, þarf að tilkynna það.

Hvert skal hringja?

• Heilbrigðisstofnunin: 450-4500
• Heilsugæslan: 450-4514
• Heimahjúkrun: 456-4515
• Hjúkrunarfræðingur: 860-7448
• Sjúkraliðar (kl. 8-16) 860-7449

Hvenær fæ ég heimahjúkrun?

Alla virka daga frá kl. 8:00 til 16:00 og um helgar frá kl. 8:00 til 12:00. Ef þörf er fyrir meiri þjónustu skal beiðni berast frá lækni.

Upplýsingar um frekari þjónustu eru í bæklingnum “Þjónusta við elli- og örorkulífeyrisþega í Ísafjarðarbæ” sem má fá á Fjórðungssjúkrahúsinu.