A A A

Bóluefni á ţrotum

3.11 2020 | Gylfi Ólafsson

Aðsókn í bólusetningu vegna inflúensu hefur aldrei verið jafngóð og nú. Það er mikið ánægjuefni. Þetta þýðir þó að sá skammtur sem alla jafna hefur dugað vel, er á þrotum.

 

Við höfum því miður þurft að vísa fólki frá vegna þessa, þar með talið fólki sem hefur undirliggjandi sjúkdóma.

 

Bóluefni er einnig búið í öðrum heilbrigðisumdæmum. Ekki er von á meira bóluefni í ár.

 

Örfáir skammtar eru eftir sem verða gefnir fólki í mestri áhættu og verður haft samband við þau beint. Við getum því ekki tekið við fleiri bókunum eða símtölum með óskum um bólusetningu.

Inflúensubólusetningar

23.10 2020 | Sigríđur Lára Gunnlaugsdóttir

Bólusetningar vegna inflúensu eru hafnar á Heilbrigðisstofnun Vestfjarða á Ísafirði og Patreksfirði. Ákveðin forgangsröðun hefur verið sett upp og hefur heilsugæslan sent bréf til þeirra hópa sem eru í forgangi og byrjað verður á að bólusetja. Talsvert meiri aðsókn hefur verið í bólusetningu en oft áður og ekki öruggt að allir sem vilja komist að. Í forgangshópum eru allir þeir sem náð hafa 60 ára aldri og þeir sem eru með undirliggjandi áhættuþætti eins og hjartasjúkdóma, sykursýki, öndunarfærasjúkdóma eða blóðþurrðarhjartasjúkdóma. Bókun fer fram í síma 450-4500 milli kl. 8:00 og 16:00 alla virka daga.

 

Þegar bólusetningu þessara hópa er lokið verður opnað fyrir almenna bólusetningu. Verður það tilkynnt nánar hér á heimasíðu Heilbrigðisstofnunar Vestfjarða þegar þar að kemur. 

 

Hægt er að lesa sig til um bólusetningu fyrir inflúensu inn á heimasíðu landlæknisembættis.

 

Uppfært 28. okt kl. 16:20

 

Heilbrigđisstofnun Vestfjarđa stendur vel í "Stofnun ársins"

20.10 2020 | Sigríđur Lára Gunnlaugsdóttir
1 af 3
 
Niðurstöður í könnun stéttarfélagsins Sameykis um stofnun ársins fyrir árið 2020 hafa verið birtar. Könnunin var lögð fyrir í febrúar, áður en verulegra áhrifa fór að gæta af heimsfaraldrinum, en birtingu niðurstaðna hefur verið frestað vegna aðstæðna.
 
Eftir mikla bætingu milli áranna 2018 og 2019 stendur einkunn Heilbrigðisstofnunar Vestfjarða í stað milli ára. Stofnunin er áfram yfir meðaltali heilbrigðisstofnana, bæði í einkunn og röðun.
 
Séu niðurstöður stofnunarinnar eftir undirliðum bornar saman við aðrar heilbrigðisstofnanir sést að upplifun starfsmanna af launakjörum og vinnuskilyrðum eru einna helst þeir þættir sem eru hærri hjá HVest. Þegar undirliðir könnunarinnar eru skoðaðir sést að ánægja og stoltímynd stofnunar, stjórnun og starfsandi hafa einna helst hækkað frá 2017 til 2020.
 
Sameyki og forverar þess hafa staðið fyrir könnuninni um stofnun ársins um árabil. Könnunin er lögð fyrir alla starfsmenn í opinberum stofnunum og fyrirtækjum og gefur verðmætar upplýsingar til að bera stofnanir saman, styðja við umbótaverkefni, fagna því sem vel er gert og sjá hvar skóinn kreppir.

Tímabundin lokun heilsugćsluselja á Flateyri og Ţingeyri 12. og 14. október

9.10 2020 | Sigríđur Lára Gunnlaugsdóttir

 

Vegna óviðráðanlegra orsaka verður opnunartími heilsugæslu á Flateyri og Þingeyri breyttur í næstu viku. Mánudaginn 12. október verður lokað á Þingeyri og miðvikudaginn 14. október verður lokað á Flateyri. 

Beðist er velvirðingar á þessum tímabundnu breytingum.

Sýnataka vegna Covid

6.10 2020 | Gylfi Ólafsson

Fólk er duglegt við að koma í sýnatöku og við viljum að svo verði áfram. Verklagið okkar tekur alltaf breytingum eftir því sem þetta kemst upp í meiri æfingu og faraldrinum vindur fram.

 

Þessar upplýsingar gilda bæði á Ísafirði og Patreksfirði, en íbúar í nærsveitum þurfa að koma sér á aðra hvora þessara stöðva.

 

Bókun á sýnatöku

Einstaklingar með einkenni eiga að hringja á heilsugæsluna til að skrá sig í sýnatöku. Best er að hringja á dagvinnutíma frá 08:00 til 16:00 í síma 450-4500. Patreksfirðingar geta einnig hringt í 450-2000. Ef einstaklingur fær einkenni eftir klukkan 16:00 virka daga eða yfir helgi er hægt að panta sýnatöku með því að hringja á bráðadeild á Ísafirði í síma 450-4565.

 

Einstaklingar sem þurfa að fara í seinni landamæraskimun eða sýnatöku eftir að hafa verið 7 daga í sóttkví, eru beðnir um að bóka sér tíma á dagvinnutíma á virkum dögum með því að hringja í heilsugæsluna.

 

Þegar þú kemur

Ágætt er að koma á bíl, en það er í lagi að koma einnig á hjóli eða gangandi. Sýnatökur eru alltaf utandyra, allir eiga að bíða utandyra og það er alveg bannað að koma inn á heilsugæslurnar eða sjúkrahúsin á leiðinni í eða úr sýnatöku.

 

Á Patreksfirði er sýnatakan í kjallaranum þar sem aðkoma sjúkrabíla er. Á Ísafirði er búið að setja upp hvítan gám við bílastæðið hjá sjúkrahúsinu.

 

Almennt

Einstaklingar sem bíða eftir sýnatöku eða niðurstöðu greiningar þurfa að sæta einangrun þar til neikvæðar niðurstöður liggja fyrir. Við meðhöndlum alla í sýnatökum eins og þið séuð smituð, og þið eigið að haga ykkur til samræmis.

 

Allir sem panta sýnatöku fá SMS með upplýsingum um hvar og hvenær þeir eiga að mæta. Niðurstöður berast á mínum síðum á Heilsuveru en þeir sem greinast jákvæðir fá upplýsingar um niðurstöðuna símleiðis. Þeir sem ekki eru með Heilsuveru, fá upplýsingar símleiðis hvernig sem niðurstaðan er.

Vefumsjón