A A A

Kvensjúkdómalćknir međ móttöku á Ísafirđi

29.03 2021 | Sigríđur Lára Gunnlaugsdóttir

 

Hjörtur Haraldsson kvensjúkdómalæknir verður með móttöku á Heilbrigðisstofnun Vestfjarða á Ísafirði 19. til 30. apríl. Tekið er á móti tímapöntunum í síma 450-4500 alla virka daga milli kl. 8:00 og 16:00.

Fjórđa bylgja Covid-19

25.03 2021 | Gylfi Ólafsson

Nýjar reglur tóku gildi 25. mars 2021. Hér fyrir neðan eru helstu 

 

1.       Almennt

Talsverðar breytingar hafa verið gerðar á verklagi okkar til að minnka líkur á smitum, en teljum þó að hægt sé að veita nær alla almenna heilbrigðisþjónustu. Það krefst þess að allir sem koma á stofnunina, sem sjúklingar, gestir eða starfsmenn, fari að öllu með gát.

 

Ekki koma á stofnunina ef þú ert

  • í einangrun eða sóttkví
  • að bíða eftir niðurstöðu úr sýnatöku
  • með flensulíkeinkenni (sjá neðar), eða
  • varst erlendis fyrir minna en 14 dögum (sjá þó fyrir neðan um landamæraskimun)

 

2.       Bráðadeild og hjúkrunarheimili

Um heimsóknir á bráðadeild á Ísafirði gildir að einn gestur má koma á dag, en tveir á hjúkrunarheimilin Eyri, Berg, Tjörn og á Patreksfirði. 

 

Leyfilegt er að þessir gestir séu mismunandi milli daga. Nú er þó gerð sú breyting að ekki eru heimilar heimsóknir gesta undir 18 ára aldri. Þessi nýja regla tekur mið af þeirri staðreynd að það afbrigði veirunnar sem nú er á sveimi leggst einnig á börn. 

 

Við minnum á handþvott, sprittun og maska. Ekki koma ef minnsti grunur er um smit. Heimsóknargestir fari beint inn á herbergi viðkomandi og eigi ekki í samskiptum við aðra íbúa.

 

Íbúar á hjúkrunarheimilum mega áfram fara út af heimilunum og í bíltúra, enda séu þeir í samneyti við sömu aðstandendur og koma í heimsókn til þeirra.

 

3.       Landamæraskimun

Seinni próf landamæraskimunar fara fram á Ísafirði og Patreksfirði. Heilsugæslurnar veita nánari upplýsingar, helst í gegnum síma 450-4500 á dagvinnutíma, 450-4565 utan dagvinnu. 

 

4.       Almenn sýnataka, meðal annars yfir páska

Ekki vera feimin við að koma í sýnatöku ef þú finnur fyrir minnstu einkennum. Það er ókeypis. Við tökum sýni á Ísafirði og Patreksfirði, alla daga, einnig yfir páska eftir því sem þurfa þykir. Ef þú ert með eitthvað af eftirfarandi einkennum að koma í sýnatöku sem fyrst: kvef, hálsbólga, hósti, hiti, beinverkir, minnkað bragð/lyktarskyn að koma í sýnatöku. Tilkynna þarf komu með símtali í afgreiðslu og þá fást nánari upplýsingar um tíma, stað og fyrirkomulag. Hringdu í síma 450-4500 á dagvinnutíma, 450-4565 utan dagvinnu. 

 

5.       Aðrar breytingar

Bóka þarf tíma í blóðprufur á rannsóknadeild á Ísafirði. Hringið í 860-0655 á dagvinnutíma til að panta tíma.

Sundlaugin á endurhæfingardeild nú lokuð, sem og notkun tækjasalar utan skipulagðra tíma með sjúkraþjálfara. 

 

 

Stofnanasamningur undirritađur viđ Verkalýđsfélag Vestfirđinga og Verkalýđs- og sjómannafélag Bolungarvíkur

25.03 2021 | Gylfi Ólafsson
Frá undirritun samningsins. Standandi frá vinstri: Hildur Elísabet Pétursdóttir, Hrannar Örn Hrannarsson og Hanna Ţóra Hauksdóttir í samninganefnd Heilbrigđisstofnunar Vestfjarđa. Sitjandi frá vinstri: Finnbogi Sveinbjörnsson formađur Verkalýđsfélags Vestfirđinga, Hrund Karlsdóttir f.h. Verkalýđs- og sjómannafélags Bolungarvíkur, og Gylfi Ólafsson forstjóri Heilbrigđisstofnunar Vestfjarđa.
Frá undirritun samningsins. Standandi frá vinstri: Hildur Elísabet Pétursdóttir, Hrannar Örn Hrannarsson og Hanna Ţóra Hauksdóttir í samninganefnd Heilbrigđisstofnunar Vestfjarđa. Sitjandi frá vinstri: Finnbogi Sveinbjörnsson formađur Verkalýđsfélags Vestfirđinga, Hrund Karlsdóttir f.h. Verkalýđs- og sjómannafélags Bolungarvíkur, og Gylfi Ólafsson forstjóri Heilbrigđisstofnunar Vestfjarđa.

Í hádeginu í gær var undirritaður stofnanasamningur Heilbrigðisstofnunar Vestfjarða við Verkalýðsfélag Vestfirðinga og Verkalýðs- og sjómannafélag Bolungarvíkur. Samningurinn byggir á kjarasamningi ríkisins við Starfsgreinasambandið sem undirritaður var 6. mars 2020.

 

Samningurinn tekur til 107 starfsmanna stofnunarinnar á öllum starfsstöðvum. Flest störfin eru í aðhlynningu á hjúkrunarheimilum, við ræstingu og í eldhúsum.

 

Veruleg kjarabót er fólgin í samningnum sem er afturvirk til fyrsta janúar. Þeim sem voru á lægstu launum er tryggð mesta hækkunin í krónum talið. Allir skulu að lágmarki hafa hækkað um 90.000 krónur 1. janúar 2022.

Annars er helsta nýmælið vörpun í nýja launatöflu, sem byggir bæði á flokkum og þrepum, en eldri launatafla var einungis með flokka. Vörpunin gerði samningagerðina talsvert flókna, en einfaldar launaröðun til framtíðar og auðveldar samanburð við önnur stéttarfélög.

 

„Samstarfið við stéttarfélögin hefur gengið vel þrátt fyrir tímafreka útreikninga,“ segir Hanna Þóra Hauksdóttir mannauðsstjóri sem leiddi samninganefnd Heilbrigðisstofnunar Vestfjarða, en með henni voru Hrannar Örn Hrannarsson fjármálastjóri, Hildur Elísabet Pétursdóttir framkvæmdastjóri hjúkrunar og Sigríður Rósa Magnúsdóttir launafulltrúi.

Bólusetning viđ COVID-19

23.02 2021 | Sunneva Sigurđardóttir

 

Næstkomandi fimmtudag, 25.febrúar, verða einstaklingar fæddir 1941 og fyrr bólusettir á norðanverðum Vestfjörðum.

Í þetta sinn verður bólusett í

  • Bolungarvík klukkan 11:00 í Safnaðarheimilinu,
  • Þingeyri á Tjörn klukkan 13:00
  • Heilbrigðistofnunin á Ísafirði milli klukkan 11:00 og15:00.

Einstaklingarnir fá SMS í símann sinn þar sem kemur fram hvar og hvenær þeir eiga að mæta. Þeir Bolvíkingar sem ekki fá SMS í símann sinn mæta klukkan 11:00 í Safnaðarheimilið og Þingeyringar á Tjörn klukkan 13:00.

Ísfirðingar sem ekki fá SMS í símann sinn eru vinsamlegast beðnir um að koma klukkan 14:00 á Heilbrigðisstofnunina á Ísafirði. Einstaklingar á Suðureyri, Súðavík og Flateyri fá símhringingu um hvenær og hvert þeir eiga að mæta.

Íbúar á sunnanverðum Vestfjörðum fæddir 1941 og fyrr verður boðin bólusetning í vikunni. Allir verða boðaðir með símtali. 

 

 

Við biðlum til fólks að fylgjast með boðun til eldri aðstandanda sinna þannig að enginn missi af bólusetningu.

Endurbćtur á húsnćđi slysa- og göngudeildar

3.02 2021 | Sigríđur Lára Gunnlaugsdóttir
1 af 2

 

Nú er unnið í gagngerum endurbætum á húsnæði slysa- og göngudeildar á 1. hæð Sjúkrahússins á Ísafirði. Þessar breytingar eru löngu tímabærar en deildin hefur verið óbreytt frá opnun eða í yfir 30 ár. Eftir breytingarnar verður slysastofan mun stærri og með því verður rýmra um bæði starfsfólk og skjólstæðinga sem þangað leita. Auk þess að verða bæði innréttingar og búnaður deildarinnar endurnýjaður.

Breytingarnar hafa ekki áhrif á starfsemi slysa- og göngudeildar því útbúin hefur verið bráðabirgðaaðstaða við hlið heilsugæslunnar.

Áætlað er að framkvæmdum verði lokið fyrir páska.

 

 

 

Fyrri síđa
1
234567686970Nćsta síđa
Síđa 1 af 70
Vefumsjón